Cofnodion - Y Pwyllgor Busnes

Lleoliad:

Swyddfa’r Llywydd, 4ydd llawr - Tŷ Hywel

Dyddiad: Dydd Mawrth, 19 Ionawr 2016

Amser: 08.30 - 08.45

Preifat

Yn bresennol

Categori	Enwau
Aelodau’r Pwyllgor:	Y Fonesig  Rosemary Butler (Cadeirydd) Paul Davies Jane Hutt Elin Jones Aled Roberts
Staff y Pwyllgor:	Aled Elwyn Jones (Clerc)
Eraill yn bresennol	David Melding AC, Y Dirprwy Lywydd Craig Stephenson, Cyfarwyddwr Dros Dro Gwasanaethau’r Comisiwn Siân Wilkins, Pennaeth Gwasanaeth y Siambr a Phwyllgorau Peter Greening, Llywodraeth Cymru Christopher Warner, Pennaeth Gwasanaeth y Pwyllgorau Polisi a Deddfwriaeth

<AI1>

1 Ymddiheuriadau a chyhoeddiadau

</AI1>

<AI2>

2 Cofnodion y cyfarfod blaenorol

Nododd y Pwyllgor y cofnodion i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr Wythnos Hon

Byddai Gweinidog yr Economi, Gwyddoniaeth a Thrafnidiaeth yn gwneud datganiad ar Tata Steel. 

Cafodd y datganiad gan Weinidog yr Economi, Gwyddoniaeth a Thrafnidiaeth ar y Cynllun Bathodyn Glas ei dynnu'n ôl ac yn hytrach byddai'n cael ei gyhoeddi fel datganiad ysgrifenedig.

Byddai'r Cyfnod Pleidleisio ar ôl yr eitem olaf o fusnes ddydd Mawrth. Cytunodd y Pwyllgor Busnes y byddai'r Cyfnod Pleidleisio yn cael ei gynnal cyn y Ddadl Fer ddydd Mercher.

</AI4>

<AI5>

3.2 Amserlen Busnes y Llywodraeth ar gyfer y tair wythnos nesaf

Penderfynodd y Pwyllgor Busnes ar drefn y busnes a chytunodd i amserlennu’r eitemau a ganlyn:

Dydd Mercher 10 Chwefror 2016

• Dadl gan Aelodau Unigol o dan Reol Sefydlog 11.21(iv) (60 munud)
• Dadl ar adroddiad y Pwyllgor Plant, Pobl Ifanc ac Addysg ar Waith Athrawon Cyflenwi (60 munud)
• Amser a neilltuwyd i Blaid Cymru (60 munud)
• Dadl Cyfnod 4 ar y Bil Lefelau Staff Nyrsio (Cymru) (15 munud)

</AI5>

<AI6>

3.3 Amserlen Busnes y Cynulliad ar gyfer y tair wythnos nesaf

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

</AI6>

<AI7>

4 Deddfwriaeth

</AI7>

<AI8>

4.1 Cydsyniad Deddfwriaethol: Bil Mynediad at Driniaethau Meddygol (Arloesi)

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol mewn perthynas â'r Bil Mynediad at Driniaethau Meddygol (Arloesi).

Cytunodd y Rheolwyr Busnes i gyfeirio'r Memorandwm Cydsyniad Deddfwriaethol i'r Pwyllgor Iechyd a Gofal Cymdeithasol er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm Cydsyniad Deddfwriaethol erbyn dydd Iau 25 Chwefror 2016 er mwyn i’r Cynnig Cydsyniad Deddfwriaethol gael ei drafod yn y Cyfarfod Llawn ddydd Mawrth 1 Mawrth 2016.

</AI8>

<AI9>

5 Rheolau Sefydlog

</AI9>

<AI10>

5.1 Biliau Preifat, Biliau Hybrid a Biliau Cydgrynhoi

Ar 8 Rhagfyr 2015, trafododd y Pwyllgor bapur yn cynnig gwelliannau drafft i Reol Sefydlog 26A mewn perthynas â Biliau Preifat, i ehangu ei chwmpas i gynnwys elfennau coll ac i fod yr un fath â gweithdrefn mewn mannau eraill. Roedd y papur hefyd yn amlinellu cynigion i gyflwyno gweithdrefn ar gyfer Biliau Hybrid, nad yw yn y Rheolau Sefydlog ar hyn o bryd. 

Ar ôl ymgynghori â Grwpiau'r Pleidiau, cytunodd y Rheolwyr Busnes mewn egwyddor i'r newidiadau arfaethedig i'r Rheolau Sefydlog. Nododd y Pwyllgor y byddai drafftiau terfynol y Rheolau Sefydlog newydd yn cael eu cyflwyno i’r Pwyllgor Busnes er mwyn cytuno arnynt ar ôl cytundeb ar unrhyw newidiadau i Reol Sefydlog 26 oedd yn deillio o argymhellion adroddiad y Pwyllgor Cyfansoddiadol a Deddfwriaethol ar ‘Deddfu yng Nghymru’.

</AI10>

<AI11>

6 Y Pwyllgor Busnes

</AI11>

<AI12>

6.1 Adroddiad Etifeddiaeth y Pwyllgor Busnes

Trafododd y Rheolwyr Busnes gopi drafft o Adroddiad Etifeddiaeth y Pwyllgor Busnes a chytunwyd i roi sylwadau i'r Clerc yn uniongyrchol, yn hytrach na thrafod yr adroddiad gyda'u grwpiau.  Byddai adroddiad drafft yn cael ei gyflwyno i'r Pwyllgor i'w ystyried mewn cyfarfod yn y dyfodol, a byddai'r adroddiad terfynol yn adlewyrchu unrhyw gasgliadau y daethpwyd iddynt yn y cyfamser ar ethol cadeiryddion pwyllgorau.

</AI12>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2FIELD_TITLE

</TITLE_ONLY_SUBNUMBER_LAYOUT_SECTION>